Segg, weißt du up de wide Welt
Dat Flag, wo`t jedenein geföllt,
Wo tru as Gold is jedes Wurt,
Kennst du dat Land, kennst du den Urt?
Min Pommernland, min Pommernland,
Dat is, dat is dat true Land.

Weißt du, wo`t schön, wo`t wunnerschön,
Wo blag dei Häwen, blag de See`n,
Wo Eiken sick an Eicken reihn,
Kennst du dat Land, hest du`t all seihn?
Min Pommernland, min Pommernland,
Dat is, dat is dat schöne Land.

Weißt du, wo ick eis buren bün,
Wo ick Beraup un Hüsung sünn,
Weist du, wen ick von Harten god
Un wen ick tru bliw bet in `n Dod?
Min Pommernland, de Waterkant,
Dat is min Leiw, min Heimatland!